Sunday, May 29, 2016

සක්වලක මියැදෙනු එපා

උත්තමයි කී මිනිස් බව ලද
සත්තු අණ්ඩජ නර කැලේ
තවම බිත්තර කටුවලින්
හිස් ඔසවලා නැති බව පෙනේ

යදම් නොදමා තිබුණාට
නිවහල් ය කිව්වත් චින්තනේ
අන්ධකාරය පමණි උන් අප
දෙදෙන හට එළියක් කළේ

නොලැබ ආලය නොමිනිසුන් ලෙස
ගෙවන ජීවිත මනුසතා
අහිංසක ආදර කතාවන්
පොළෝ පස් යට සඟවනා

පොලු මුගුරු ගෙන දිව ඇවිත්
කෑ ගසයි අපෙ ලෝකය බලා
උන්ට බිය වී මගේ පුරහඳ
සක්වලක මියැදෙනු එපා

1 comment: